by: Edjun Mariposque

                ****                           

Calamba, Laguna – Sa isang press conference na ginanap sa Calamba City Hall, Calamba City, Laguna sa pangunguna ni Mayor Roseller H. Rizal, Konsehal Maria Kathrina V. Silva at Tourism Head Karla Marcial Boholano, kasama sina ABC President Councilor “Papa P” Dimapilis, Councilor Arvin Manguiat, SK President Rally Bustria, at City Department Head Johnny Pamuspusan, ay inihayag ang mga plano para sa isang buwang selebrasyon ng Founding Anniversary ng lungsod na pinamagatang “Calambagong Buhayani Festival 2024” sa temang “Isang Dekada ng Saya at Parangal sa mga Bayani ng ating Bayan” ay naglalayong ipamalas ang patuloy na pagpapahalaga sa buhay at alaala ng ating Pambansang Bayani, Dr. Jose Rizal.

Inaasahan na magiging mas masigla at makabuluhan ang selebrasyon ngayong taon, na puno ng mga aktibidad na magpapakita ng diwa ng kabayanihan at komunidad sa Calamba City.

Ilan sa Highlight ng Selebrasyon

Hunyo 10: Culinary Delights ng Kusinang Calambeño
Sa Jose Rizal Function Hall, inaasahan ang isang masarap na pagsasalo-salo ng mga putaheng Calambeño na magpapakita ng yaman ng kultura at kasaysayan ng Calamba sa larangan ng pagluluto.

Hunyo 11: Intellectual Showcase ng Talinong Rizal at Art Painting Competition
Gaganapin sa City Mall Calamba Event Hall, ang Talinong Rizal ay magbibigay ng plataporma sa mga lokal na iskolar at intelektwal upang ibahagi ang kanilang kaalaman. Kasabay nito, ang Art Painting Competition sa Jose Rizal Coliseum ay magpapamalas ng husay at talento ng mga lokal na pintor.

Hunyo 12: Paggunita sa Ika-126 Araw ng Kalayaan
Sa Jose Rizal Coliseum Function Hall, ipagdiriwang ang kalayaan ng bansa sa pamamagitan ng mga programang nagpaparangal sa ating makulay na kasaysayan at mga bayani.

Hunyo 13: Kwentong Bayani
Sa Museo ni Dr. Jose Rizal, magkakaroon ng sesyon kasama sina Mayor Rizal at Vice Mayor Totie Lazaro, na magbabahagi ng mga kuwento ng kabayanihan na nagbibigay inspirasyon sa buong komunidad.

Hunyo 14: Buhayani Job Fair at Calambagong Bayani Awards
Ang Buhayani Job Fair sa SM City Calamba ay magbibigay ng pagkakataon para sa mga naghahanap ng trabaho. Sa Bulwagang Rizal naman, kikilalanin ang mga indibidwal na nagpakita ng pambihirang katapangan at paglilingkod sa komunidad sa Calambagong Bayani Awards 2024.

Hunyo 15 Ang Street dance Showdown sa ika-3 ng hapon sa Jose Rizal Plaza

Hunyo 16 ay ang Sulyap sa Nakaraan (Cultural Night) na gaganapin sa St. John the Baptist Church Patio.

Hunyo 17: Calambagtasan
Isa sa pinakatampok na aktibidad ngayong taon ay ang Calambalagtasan sa Bayan. Sa kauna-unahang pagkakataon, maipapakita ang galing ng mga taga-Calamba sa Balagtasan, isang tradisyunal na anyo ng pagtatalo sa pamamagitan ng tula na ginagawa noong unang panahon pa ng mga Pilipino. Gaganapin ito sa Jose Rizal Coliseum Function Hall, at inaasahang magbibigay-daan upang muling buhayin at pahalagahan ang ating makulay na kultura at kasaysayan.

Grand Finale

Hunyo 19: Calambagong Buhayani Festival Grand Parade
Ang kasiyahan ay magtatapos sa isang engrandeng parada sa Riverview Resort, kasunod ng Float Competition sa Calamba City Plaza. Ipinagdiriwang din sa araw na ito ang ika-163 na kaarawan ni Dr. Jose Rizal sa Museo ni Dr. Jose Rizal.

May mga surpresang mga banda at love team ang ihahandog sa pagdiriwang na ito.

Magkakaroon pa ng pahabol sa Hunyo 30 na tinaguriang “River Run” na sisimulan sa Jose Rizal Plaza tungong Brgy. Lamesa.

Ang mga magaganap na palaro ay malalaki ang papremyong matatanggap ng mga mananalo mula sa P1500 na consultation prize hanggang sa pinakamalaking premyo na P312,500 + Trophy (prizes are subject to 20% withholding tax

Buwan ng Bazaar

Sa buong buwan, ang Bazaar sa Rizal Plaza ay may iba’t ibang produkto para sa mga turista na darayo at sa mga Calambeño. Marami din ang mga pagkain na maaring dayuhin ng mga pamilya, magkakaibigan o nang magsing-irog, na magbibigay ng mas masaya at masiglang karanasan sa pagdiriwang.

Ang “Calambagong Buhayani 2024” ay hindi lamang isang pagdiriwang kundi isang pagpapakita ng pagmamahal at pagpapahalaga sa mga bayani ng Calamba. Inaanyayahan ang lahat na makibahagi at magdiwang sa selebrasyong ito ng kasaysayan, kultura, at kabayanihan.

#Edjun Mariposque

Changing Lives: Free Cleft Palate Services Offered by Pandemic Hero Foundation Inc.

As an organization that cares for the welfare of the people, we, Pandemic Hero Foundation Inc., are looking for people with cleft palate whom we will be helping with the help of our sponsored partners. This is a free service to offer for it is our heart that speaks from sharing our strong partnership with people and changing the way they live their lives – to what they deserve. This is not a business for personal gains, but more of reaching out and promoting a helping hand.

Pandemic Hero Foundation Inc.
Location: Purok Uno, Brgy. Lumil, Silang, Cavite.

---

---

---

---

https://twitter.com/Edjun_pogi?t=4nyvLGfYTzRPgj5Xl91uDA&s=09

---

---

https://www.facebook.com/NewsStringerTV/