News Stringer TV

Mayor Cesar V. Areza isusulong ang pagunlad ng ekonomiya at turismo ng bayan ng Pagsanjan

Ni Madeliene B. Marasigan Pagsanjan, Laguna-” Ang negosyo ay palakasin trabaho ay paramihin, aasenso ang Pagsanjan” pahayag ni Pagsanjan Mayor Cesar Areza sa kanyang panayam sa isinagawang Kapihan sa Pagsanjan noong nakaraang Martes ika-4 ng Oktubre 2022 na ginanap sa Bera and Basuti Asian Cuisine Restaurant CLA Mall Ground Floor, Brgy. Biñan Pagsanjan, Laguna. Hindi…

News Stringer TV
2–3 minutes


Ni Madeliene B. Marasigan


Pagsanjan, Laguna-” Ang negosyo ay palakasin trabaho ay paramihin, aasenso ang Pagsanjan” pahayag ni Pagsanjan Mayor Cesar Areza sa kanyang panayam sa isinagawang Kapihan sa Pagsanjan noong nakaraang Martes ika-4 ng Oktubre 2022 na ginanap sa Bera and Basuti Asian Cuisine Restaurant CLA Mall Ground Floor, Brgy. Biñan Pagsanjan, Laguna.


Hindi pa man sumasapit ang ika-isang daang araw ng panunungkulan ni Mayor Areza ay marami ng programa ang kanyang inilatag upang mapaunlad ang bayan ng Pagsanjan at ang ilan dito ay kanya ng nasimulan.
Ayon kay Mayor Cesar Areza, sinimulan niya ang paglilinis at pag aalis ng basura sa bayan ng Pagsanjan upang maging ligtas ang mga mamayan sa mga karamdaman lalot higit ay sa dengue, “ang kalinisan ay nagawa natin isa ito upang mapalakas ang ating turismo” ani Areza.


Ayon pa kay Mayor Areza, may mga pagaaral at seminar na isinagawa para sa mga bangkero upang sila ay matutong maging tourist guide at higit na mapasaya at maaliw ang mga turista. “ ngayon buwan na ito ay bubuksan po natin ang one stop shop pasalubong kung saan ay mabibili ang mga produktong yari dito sa Pagsanjan” dagdag ni Areza.


Ayon pa rin kay Mayor Areza, upang maingatan ang 123 taong arko na isa sa tourist spot ng bayan plano niya na magkaroon ng by-pass road upang doon na dumaan ang mga malalaking sasakyan.
Pagsasaka ang isa sa ikinabubuhay ng mga mamayan ng Pagsanjan kaya naman pangako ni Mayor Areza na magdaragdag ng mga farm-to-market roads, pasilidad na pang agrikutura at tulong teknikal at mga makabagong estratehiya upang dumami ang ani at lumaki ang kita.


Ikinatutuwang ibinalita ni Mayor Areza na nag alok ng tulong ang mga senador upang gawing kongkreto na ang hanging bridge sa Brgy. Magdapio.


Ibinahagi rin ni Mayor Areza na maraming mga investor ang nais maginvest sa bayan ng Pagsanjan, ayon pa sa Mayor ay malapit ng maitayo ang SM City at Sky Ranch na higit na makakadagdag sa bilang ng mga turistang bibisita sa kanilang bayan.


Upang matugunan ang kakulangan sa hanap buhay ay nais ni Mayor Areza na magkaroon ng Economic Zone na magbibigay ng maraming trabaho at pagkakakitaan sa kanyang nasasakupan at sa mga karatig bayan.
Nabangit din ni Mayor Areza ang mga programa para sa mga senior citizen tulad ng Zumba upang maging aktibo ang mga lolo at lola, medical mission, at kung maraming mga investor at establisimento ang maipatayo ay maaring maipakiusap na makapagtrabaho ang senior citizen sa abot ng makakaya nito.


Sa huling pananalita ni Mayor Areza ay hinihiling niya na suportahan ng kanyang mga kababayan ang kaniyang mga programa “dahil tayo po ang unang haharap sa ating mga turista at investor, pag ayan po ay ating pinagyaman siguradong tayo po ang makikinabang, mahalin po natin ang ating likas na yaman, patuloy natin ipanalangin ang bayan ng Pagsanjan at kumilos upang matupad ang ating pangarap” ani Areza.

Leave a comment

Trending