Provincial Level Most Wanted Person ng Laguna, Arestado sa Manhunt Operation ng Siniloan PNP

Kampo Heneral Paciano Rizal – Arestado ang isang Most Wanted Person Provincial Level sa manhunt operation ng Siniloan PNP kahapon Pebrero 5, 2023.

Kinilala ni Police Colonel Randy Glenn G Silvio, Acting Provincial Director, Laguna PPO ang akusado na si alyas Joel residente ng Siniloan, Laguna.

Ayon sa ulat ni PMaj Clemente T Garcia III, hepe ng Siniloan MPS nagkasa sila ng manhunt operation kahapon Pebrero 5, 2023 sa ganap na 4:07 ng hapon sa may Brgy Wawa, Siniloan, Laguna na nagresulta sa pagkaaresto ng akusado sa bisa ng warrant of arrest.

Nahaharap ang akusado sa kasong kriminal na RA 10591 na may nirerekomendang pyansa na aabot sa Php 120,000 at Sec. 5 ng RA 9165 na walang nirerekomendang pyansa na isinampa noong Disyembre 9, 2022 na inisyu ng Regional Trial Court, Branch 33, Siniloan, Laguna.

Ang arestadong akusado ay kasalukuyang nasa kustodiya ng Siniloan MPS samantala ang mga korteng pinagmulan ng warrant of arrest ay iimpormahan sa pagkaaresto ng mga akusado.

Ayon sa pahayag ni PCol Silvio “Sa tulong at tiwala po ng ating mga kababayan sa Laguna PNP sa mga impormasyon na inyong binibigay sa ating mga himpilan ay matagumpay na naisasagawa ng ating mga kapulisan ang mga operasyon laban sa mga nagtatago sa batas.Ito ay isang patunay lamang po na ang mamamayan at kapulisan ng Probinsya ng Laguna ay nagtulungan para sa kaayusan at katahimikan ng buong Lalawigan .”#gtgmayani
#LifeIsBeautiful
#KaligtasanNyoSagotKo
#TulongTulongTayo
#MKKequalsK
#PNPKakampiMo
#pnp4a